Прэзідэнт Беларусі сустрэўся з расійскім сенатарам Аляксандрам Карэліным

Аляксандр Лукашэнка сустрэўся з трохразовым алімпійскім чэмпіёнам па грэка-рымскай барацьбе, расійскім сенатарам - Аляксандрам Карэліным.

Ён найлепшы сярод атлетаў свету 20-га стагоддзя, а таксама занесены ў Кнігу рэкордаў Гінэса як спартсмен, які на працягу 13 гадоў не прайграў ніводнай сутычкі.

Знакаміты чэмпіён зараз актыўна займаецца асветніцкай дзейнасцю. Яго "Манрэальскі праект", які прысвечаны 45-годдзю перамогі зборнай СССР па класічнай барацьбе на Алімпійскіх гульнях у Манрэалі, - гэта своеасаблівы паядынак з забыццём, даніна павагі стваральнікам пераможных традыцый айчыннай школы, настаўнікам і атлетам, верным свайму прызначэнню.

Па дэпутацкай лініі Карэлін актыўна займаецца папулярызацыяй нашай тэхнікі ў Расію. Сёння сенатар наведвае прадпрыемства "Бабруйскаграмаш", дзе пагутарыць з працоўным калектывам і, вядома, паглядзіць навінкі тэхнікі, а яшчэ распавядзе аб сваіх праектах і ініцыятывах, звязаных з папулярызацыяй здаровага ладу жыцця.

Аляксандр Карэлін таксама падзякаваў кіраўніцтву Мінскага трактарнага завода, які цесна супрацоўнічае з Новасібірскай вобласцю.