23 кастрычніка Аляксандр Лукашэнка сустрэнецца з прэзідэнтам Кубы

Прэзідэнт Кубы прыбывае з афіцыйным візітам у Беларусь.

Мігель Марыа Дыяс-Канель Бермудэс з хвіліны на хвіліну прыбудзе да нас з афіцыйным візітам. У Нацыянальным аэрапорце чакаюць прылёту высокага госця.

Запланавана некалькі раўндаў перамоў, на якіх абмяркуюць актуальныя пытанні двухбаковага і міжнароднага парадку дня, вызначаць перспектыўныя кірункі для далейшага супрацоўніцтва. Асаблівая ўвага гандлю і эканоміцы, у прыватнасці, пытанням рэалізацыі сумесных праектаў у галіне прамысловасці, сельскай гаспадаркі, фармацэўтыкі, інфармацыйных тэхналогій. Па выніках будзе падпісаны пакет міжнародных дакументаў.