Прэзідэнт: Сцэнарый "каляровай рэвалюцыі" мы не дапусцім

Урад працягвае працу ў поўным складзе да пацверджання паўнамоцтваў усяго Кабінета міністраў традыцыйным указам Прэзідэнта.

Такі дакумент сёння аператыўна даручыў падрыхтаваць і ўнесці Кіраўнік дзяржавы. Сур'ёзных змяненняў не чакаецца - з абноўленай і прафесійнай кіраўніцкай камандай Беларусь ужо працуе каля паўгода, і ў грамадства быў час ацаніць іх кампетэнтнасць. Дарэчы, менавіта з гэтай камандай Аляксандр Лукашэнка ішоў на выбары.

Другім ключавым пытаннем на нарадзе стала ўстойлівая праца беларускай эканомікі. Ад кожнага працоўнага калектыву сёння залежыць не толькі будучыня іх прадпрыемства, але і становішча Беларусі на сусветных рынках пасля пандэміі, сацыяльныя гарантыі сем'ям і блізкім. Асабліва там, дзе заводы з'яўляюцца горадаўтваральнымі. Дыялог з працаўнікамі ўжо адладжаны. У панядзелак Кіраўнік дзяржавы мае намер асабіста наведаць Мінскі завод колавых цягачоў.

Адказаў Прэзідэнт і на спробы рэалізаваць у краіне сцэнарый "каляровай рэвалюцыі". Хваля фэйкаў напроста закранае асновы нацыянальнай бяспекі, асабліва з улікам агрэсіўнага знешняга ўмяшання. "Беларусь спрабуюць раскалыхаць як першы бастыён саюзнай і еўразійскай інтэграцыі, але мы гэтага не дапусцім", - упэўнены Аляксандр Лукашэнка.

Тактыку і стратэгію процідзеяння рэвалюцыйнаму сцэнарыю сёння ж абмяркуюць у цэнтры стратэгічнага кіравання Міністэрства абароны з удзелам Прэзідэнта.