Прэзідэнту прадставілі перапрацаваны план прымянення сумеснай групоўкі войскаў Беларусі і Расіі

Cёння прэзідэнт сустрэўся з міністрам абароны і начальнікам Генеральнага штаба Узброеных сіл. Яны прадставілі кіраўніку дзяржавы прапановы па перапрацоўцы плана прымянення рэгіянальнай групоўкі войскаў Беларусі і Расіі. Нагадаем, сумесная групоўка прадугледжана для абароны межаў на заходнім напрамку. Яе аснову складаюць Узброеныя сілы нашай краіны. У Расіі таксама створаны сілы і сродкі, якія ў выпадку канфлікту, ваенных дзеянняў разам выступаюць на абарону дзвюх дзяржаў. Раней былі дасягнуты дамоўленасці, каб актуалізаваць план прымянення рэгіянальнай групоўкі з улікам сітуацыі на заходніх межах і ў свеце.

Сумесная групоўка - гэта перш за ўсё механізм стратэгічнага стрымлівання, а таксама адбіцця буйнамаштабнай агрэсіі супраць Саюзнай дзяржавы. Распрацоўкай плана займаліся генштабы Расіі і Беларусі з улікам прагнозу стратэгічнай і ваенна-палітычнай сітуацыі. Прадстаўлены сёння план прэзідэнт адобрыў.

Аналагічная работа па абнаўленні плана прымянення рэгіянальнай групоўкі войскаў праводзіцца і ў Расіі. Наступны крок - стратэгічны дакумент вынесуць на пасяджэнне Вышэйшага Дзяржсавета Саюзнай дзяржавы. Яго правядзенне плануецца ў снежні.