Праект новай Канстытуцыі абмеркавалі на пасяджэнні Савета старэйшын Нацыянальнага сходу Беларусі

Вопыт мінулых гадоў у тандэме са свежымі ідэямі моладзі. Праект новай Канстытуцыі Беларусі абмеркавалі сёння падчас пасяджэння Савета старэйшын пры прэзідыуме Савета Рэспублікі Нацыянальнага сходу Беларусі з удзелам спікера верхняй палаты парламента Наталлі Качанавай. Старшыня Савета Рэспублікі нагадала, што ўказам Прэзідэнта створана Канстытуцыйная камісія, у задачы якой уваходзіць унясенне змяненняў у Асноўны закон краіны. Ужо прайшло 8 пасяджэнняў камісіі. Сярод мэт новай Канстытуцыі - захаванне тэрытарыяльнай цэласнасці, суверэнітэту і незалежнасці.

Праект Канстытуцыі з прапановамі ад грамадзян, калектываў і службовых асоб будзе ўнесены на разгляд кіраўніку дзяржавы да 1 жніўня. Каб збіраць прапановы, Савет Рэспублікі таксама шмат працуе з насельніцтвам у рэгіёнах і арганізуе выязныя прэзідыумы. Плануецца, што абноўленая Канстытуцыя будзе вынесена на рэферэндум у пачатку наступнага года.