Супрацьстаянне фінансаваму тэрору абмяркоўвалі паўтары сотні экспертаў у Мінску

Як супрацьстаяць фінансаваму тэрору абмяркоўвалі ў гэтыя дні паўтары сотні экспертаў з трох дзясяткаў краін у Мінску. Беларусь уваходзіць у лік дзевяці краін - удзельніц Еўразійскай групы. Паводле ацэнках экспертаў, рызыкі адмывання праз нашу краіну брудных грошай мінімальныя, аднак гэта неабходна пацвердзіць, зыходзячы з сучасных міжнародных стандартаў. Ужо ў сакавіку да працы прыступіць спецыяльная камісія, пакуль жа абмен меркаваннямі і рэкамендацыямі па набалелых пытаннях. Як правільна ацаніць магчымыя рызыкі і прыняць дзейсныя меры, раскажа Аляксандр Смірноў.

Дыялог паміж дзяржаўнымі органамі і прыватным бізнесам. Так сцісла можна апісаць лейтматыў міжнароднага форуму, які ў гэтыя дні праходзіў у Мінску. Галоўная ж мэта - гарантаванне бяспекі. У дадзеным выпадку размова ідзе аб фінансавым складальніку. Эксперты ацэньваюць рызыкі, выпрацоўваюць метады барацьбы і даюць рэкамендацыі.

Шэрая фінансавая сістэма - разбуральная для любой дзяржавы. Гэта адна з прычын збою сістэмы кіравання і інфляцыі. Забяспечыць празрыстасць фінансавых патокаў - з аднаго боку і пазбавіць сродкаў злачыннасць - з другога. Задача для экспертаў вельмі цяжкая, улічваючы, што верхаводы цёмнага бізнесу выпрацоўваюць усё новыя метады ўтойвання і адмывання прыбыткаў. Менавіта па гэтай прычыне банкаўская сфера стрымлівае развіццё крыптавалют - проста пакуль што не выпрацаваная да канца методыка работы з віртуальнай аплатнай сістэмай.

Агульная бяспечная эканамічная прастора - эксперты распрацавалі 40 рэкамендацый, абавязковых да выканання. Беларусі, як удзельніка Еўразійскай групы ў тым ліку. У зваротным выпадку - уключэнне ў шэры або чорны спіс, гэта значыць фактычная фінансавая ізаляцыя. І як вынік - страта мільярдаў долараў патэнцыяльнага прыбытку. У гэтай сітуацыі найважнейшая роля спецыялістаў - наладзіць дыялог з прыватным бізнесам, і такім чынам папярэдзіць адмыванне брудных прыбыткаў.

Беларусь праходзіла ацэнку так званай антыадмывачнай сістэмы 10 гадоў назад. Зараз яе структура стала больш прадстаўнічай. Дзяржаўныя органы, прыватныя банкі, калегіі адвакатаў, натарыяльныя канторы, пошта - спіс вельмі шырокі. Эксперты адзначаюць у нашай краіне нізкі ўзровень рызык фінансавання тэрарызму. Шмат у чым гэта дзякуючы працы праваахоўнай сістэмы. У ЕАГ Беларусь прадстаўляе Дэпартамент фінансавага маніторынгу.

Сёння на Пленарным пасяджэнні ЕАГ падагульнілі ацэнку антыадмывачнай сістэмы Таджыкістана. Такі ж іспыт у сакавіку трэба будзе прайсці нашай краіне. Узровень экспертаў падкрэслівае іх прадстаўніцтва: Сусветны банк, МВФ, ААН, АБСЕ, Антытэрарыстычны цэнтр СНД. У выпадку дадатнага зыходу гэта павысіць і крэдытныя рэйтынгі краіны і яе імідж.