Разгойдванне ўнутранага становішча ў Беларусі - трамплін у Расію

Спробам дэстабілізацыі становішча ў краіне трэба актыўней процідзейнічаць у прававым полі - удасканаленне заканадаўства сёння абмеркавалі ў Палацы Незалежнасці.

Прэзідэнт запрасіў да размовы кіраўнікоў, якія каардынуюць гэту работу. У аснове - бяспека дзяржавы. Важна супамерна рэагаваць на парушэнні законаў. А прававыя нормы павінны надзейна выяўляць і перарываць любыя дзеянні, накіраваныя супраць краіны. Акцэнты Аляксандра Лукашэнкі зразумелыя: мінулы год стаў сур'ёзным выклікам для ўсіх. Маштабы спроб раскалыхаць сітуацыю ў Беларусі былі беспрэцэдэнтнымі. Узяць пад кантроль сітуацыю дапамагла суладная і аператыўная работа праваахоўнікаў і іншых дзяржорганаў.

Шматлікія прапановы на злобу дня ўлічаны ў абноўленых адміністрацыйных кодэксах, у папраўках да крымінальнага заканадаўства. Прэзідэнт заклікае яшчэ раз паглядзець на дзеючыя прававыя нормы, каб выключыць прабелы. У тым ліку, улічыць еўрапейскі вопыт рэагавання на спробы дэстабілізацыі сітуацыі ў краіне. У апошнія месяцы вулічная пратэстная актыўнасць знізілася, але Аляксандр Лукашэнка заклікае не расслабляцца: прычын для самазаспакаення няма. Прэзідэнт таксама растлумачыў, у якім выпадку ў Беларусі магчыма палітычная амністыя.

На кожнае дэструктыўнае дзеянне павінен быць прававы адказ, а ўсе атакі супраць дзяржавы трэба дакладна і хутка перапыняць. Гэта датычыцца і замежных каардынатараў антыдзяржаўнай палітыкі. Пазіцыя Аляксандра Лукашэнкі нязменная: разгойдванне ўнутранага становішча ў Беларусі - трамплін у Расію. Падзеі апошняга часу не пакідаюць у тым сумненняў.

Спробы дэстабілізацыі сітуацыі на саюзнай прасторы будуць працягвацца і далей, упэўнены Аляксандр Лукашэнка. І Беларусь павінна быць да гэтага гатовая. Галоўнае патрабаванне прэзідэнта - стварыць моцнае прававое поле процідзеяння ўсім магчымым выклікам і пагрозам. І марудзіць у гэтай сітуацыі недапушчальна. Прапановы аб змяненні заканадаўства падрыхтуюць неадкладна і прымуць ужо ў першым квартале года.