Саміт АДКБ: пытанні міжнароднай бяспекі і процідзеяння пагрозам

Тэхналогіі "каляровых рэвалюцый" сталі звычайнай з'явай у рэгіёне, а градус знешняга ўмяшання ва ўнутраныя справы Беларусі дагэтуль не слабее. Аляксандр Лукашэнка даў сваю ацэнку сітуацыі ў краіне і свеце, выступаючы на саміце АДКБ. Сустрэча лідараў краін - удзельніц альянсу прайшла сёння ў анлайн-фармаце. Беларускі прэзідэнт адзначыў уплыў на сусветную кан'юнктуру пандэміі каранавіруса. За гэтай шырмай хаваецца прадуманая тактыка глабальных ігракоў. Яна накіраваная на стварэнне кіраванага хаосу і апраўданне дваістых стандартаў. Асаблівую ўвагу прэзідэнт завастрыў на ўнутрапалітычнай сітуацыі. Беларускі лідар адзначыў нездаровую цікавасць нашых заходніх суседзяў і бесперапынныя правакацыі звонку. Усё гэта працягвае напальваць унутранае становішча, ствараючы пагрозы грамадзянскаму свету.

Афіцыйны Мінск выступае за нарошчванне ўзаемадзеяння краін - удзельніц АДКБ. У няпростых сучасных умовах саюзніцтва ў ваенным і палітычным вымярэннях набывае ўсё больш важкі сэнс! Толькі разам можна даць адпор умяшанню звонку, супрацьстаяць адпрацаваным тэхналогіям разгойдвання сітуацыі ў краіне. Аляксандр Лукашэнка перакананы: мэты замежных куратараў у дачыненні Беларусі відавочныя, а падзеі ў нашай краіне - гэта інструмент ціску на Расію.

Аляксандр Лукашэнка заклікаў лідараў краін АДКБ у найбліжэйшы час абмеркаваць пытанні бяспекі ў пашыраным складзе. Але не на ўдалёнцы, а ў вочным фармаце! Прэзідэнт запрасіў да дыялогу і іншыя зацікаўленыя бакі, якія, як і Беларусь, усвядомяць пагрозы і выклікі цяперашняга часу. Больш падрабязна аб выніках саміту раскажам у "Панараме".