23 лістапада ў Мінску адбудзецца сесія Савета калектыўнай бяспекі АДКБ

Міжнародная і рэгіянальная бяспека, задачы на будучыню і агульныя інтарэсы дзяржаў АДКБ. Ужо сёння адбудзецца саміт ваенна-палітычнага блока. Ён пройдзе пад старшынствам Прэзідэнта Беларусі Аляксандра Лукашэнкі.

Некаторых лідараў краін Арганізацыі Дагавора аб калектыўнай бяспецы Мінск сустракаў яшчэ напярэдадні. Прэзідэнты Кыргызстана і Таджыкістана вырашылі прыехаць загадзя. З Эмамалі Рахмонам Аляксандр Лукашэнка правёў сустрэчу гэтым жа вечарам. Госць адзначыў паспяховае старшынства беларускага боку ў АДКБ. Асобна спыніліся на пытаннях эканомікі. Мінск і Душанбэ робяць стаўку на тэхналагічныя сумесныя вытворчасці. Летась тавараабарот наблізіўся да 80 млн долараў. 2023-ці абяцае быць яшчэ багацейшым.

Каменціруючы двухбаковыя адносіны, Прэзідэнт Беларусі адзначыў наяўнасць нядрэннага тавараабароту і сёлетні прырост. "Пад 100 млн долараў мы асвоім тавараабарот. Але я хачу, каб вы разумелі: мы гатовы вашу прадукцыю, асабліва сельскагаспадарчую (якой у нас, на жаль, няма) купляць у любых аб'ёмах. У сувязі з гэтым Таджыкістан звярнуўся да нас з просьбай аб стварэнні тут магутнага гандлёвага цэнтра. Вы павінны ведаць, што мы ўсё зробім для таго, каб ён тут быў. Мы прапанавалі вашым ініцыятарам тры месцы ў Мінску. Калі не задавальняе, падбяром яшчэ ўчастак. Гатовы сумесна з вамі ў гэтым дачыненні працаваць", - сказаў Аляксандр Лукашэнка.

Адразу ж пасля размовы з Прэзідэнтам Таджыкістана Эмамалі Рахмонам Аляксандр Лукашэнка правёў сустрэчу і з Прэзідэнтам Кыргызстана Садырам Жапаравым.

АДКБ сёння - гэта шэсць дзяржаў: Беларусь, Расія, Казахстан, Кыргызстан, Таджыкістан і Арменія. Мінск у ваенна-палітычным блоку заўсёды выступае з ініцыятывамі, накіраванымі на згуртаванасць і ўрэгуляванне супярэчнасцяў.