Сітуацыю на ўсходзе Украіны абмяркоўвалі сёння ў Мінску

Трохбаковая кантактная група вядзе працу над формулай Штайнмаера па прынцыпе кансэнсусу. Пра гэта сёння распавёў спецпрадстаўнік АБСЕ ў трохбаковай кантактнай групе Марцін Сайдзік. Паводле яго слоў, формула Штайнмаера не з'яўляецца часткай мінскіх пагадненняў, але выцякае з іх. Дамовіцца аб умовах аднаўлення развядзення сіл і сродкаў у Залатым і Пятроўскім удзельнікам сустрэчы ў Мінску пакуль не ўдалося.

Тым не менш Сайдзік адзначыў, што колькасць парушэнняў перамір'я за апошні час часам рэзка ўзрастала, і заклікаў бакі выконваць прынятыя абавязацельствы. Не былі пакуль узгоднены ўмовы абмену асобамі, што ўтрымліваюцца, па формуле "ўсіх на ўсіх". У аўторак, 1 кастрычніка, у Мінску пройдзе чарговае пасяджэнне трохбаковай кантактнай групы па ўрэгуляванні сітуацыі на ўсходзе Украіны.