Савет Бяспекі ААН правядзе пасяджэнне па выкананні мінскіх пагадненняў

Савет Бяспекі ААН правядзе пасяджэнне ў сувязі з шасцігоддзем падпісання мінскіх пагадненняў. Сустрэча ў анлайн-фармаце пройдзе 11 лютага. Ініцыятарам выступае Расія. Праграма сустрэчы ўзгоднена, але невядома пакуль, хто выступіць з дакладам.

Комплекс мер па выкананні мінскіх пагадненняў складаецца з 13 пунктаў і прадугледжвае спыненне агню, а таксама іншыя меры па доўгатэрміновым палітычным урэгуляванні сітуацыі на паўднёвым усходзе Украіны.