Нарада ў Прэзідэнта Беларусі: ядзерная бяспека, экспарт, праца холдынгаў і ІП, падрыхтоўка ўрачоў

Самы шырокі спектр тэм сёння абмяркоўвалі ў Палацы Незалежнасці: гэта і ядзерная бяспека, і экспарт, і праца холдынгаў і індывідуальных прадпрымальнікаў, і падрыхтоўка медыцынскіх кадраў.

Такі фармат працы даўно ўвайшоў у практыку - разам з урадам прыкладна раз за месяц разглядаць назапашаныя пытанні і праекты важных дакументаў. Якія б тэмы ні стаялі ў парадку, падыходы кіраўніка дзяржавы пры абмеркаванні нязменныя: гэта мэтазгоднасць, эканамічная эфектыўнасць і сацыяльная справядлівасць.

Сярод прапаноў Савета Міністраў, напрыклад, стварэнне нацыянальнага аператара па абыходжанні з радыеактыўнымі адходамі. Што датычыцца працы на знешнім контуры, то прапаноўваецца ўвесці пасады афіцыйных прадстаўнікоў Мінпрама і Мінсельгасхарча ў нашым пасольстве ў Кітаі. Размова ідзе і аб аптымізацыі штата замежных устаноў. А вось колькасць падатковага ведамства ўрад прапаноўвае павялічыць дзеля спрашчэння падатковага адміністравання.

Яшчэ адзін праект указа датычыцца карэкціроўкі заканадаўства аб холдынгах. Прапісаны палажэнні, якія ўдасканаляць іх працу. Амаль 100 холдынгаў аб'ядноўваюць пад сваім крылом каля 650 прадпрыемстваў, гэта значыць прапановы закранаюць многіх і павінны быць толькі на карысць. Абмеркавалі і новую форму паслядыпломнай падрыхтоўкі ўрачоў. Ад Прэзідэнта прагучалі заканамерныя пытанні: наколькі апраўданы будуць навацыі і ці не страцім нашы дасягненні ў пагоні за чужымі стандартамі?

З'яўленне ў Беларусі рэзідэнтуры ў цэлым адобрана кіраўніком дзяржавы. Аднак працэс яе ўкаранення трэба комплексна разгледзець з усімі зацікаўленымі бакамі. Ва ўрада былі прапановы і па рэгуляванні працы ІП, і самазанятых.

Аляксандр Лукашэнка неаднаразова гаварыў аб неабходнасці навесці парадак у гэтай сферы. Нельга душыць ініцыятыву, але сістэма павінна быць дакладнай! Падыходы да падаткаабкладання прадпрымальнікаў зменяцца да 2023 года. У цэлым усе прапануемыя навацыі знайшлі падтрымку Прэзідэнта - з улікам абмеркавання іх трэба дапрацаваць.