Савет калектыўнай бяспекі АДКБ абмеркаваў сітуацыю ў Казахстане

Cітуацыя ў Казахстане стала падставай пазачарговай сесіі Савета калектыўнай бяспекі АДКБ. Сустрэча пачалася з хвіліны маўчання - сёння ў рэспубліцы абвешчана жалоба па загінуўшых.

Бліцкрыг сарваны, але ніхто ад такога выпрабавання ў будучыні не застрахаваны. На сувязі лідары шасці дзяржаў. Некалькі дзён таму яны прынялі лёсавызначальнае рашэнне, якое, па сутнасці, стала пераломным у пераадоленні кровапраліцця. АДКБ увяла сваіх міратворцаў для кантролю стратэгічных аб'ектаў у Казахстане.

Такім чынам у законнай улады вызваліўся рэсурс для навядзення парадку на вуліцах, дзе бясчынствавалі марадзёры і ўзброеныя бандфармаванні. АДКБ адгукнулася на просьбу аб дапамозе з боку Прэзідэнта Казахстана. Гэта права на калектыўную абарону адпавядае артыкулу 51-му Статута ААН. Дзякуючы такой аператыўнай рэакцыі, сітуацыю ўдалося ўзяць пад кантроль.

За некалькі студзеньскіх дзён гэта краіна перажыла надзвычайныя падзеі, якія сталі самымі цяжкімі за гады незалежнасці. Прэзідэнт Казахстана падзякаваў АДКБ за сапраўднае баявое братэрства. Сёння ўжо зразумела - за так званымі мірнымі пратэстамі стаяла мэтанакіраваная тэрарыстычная атака з галоўнай мэтай - падрывам канстытуцыйнага ладу і спробай дзяржперавароту.

Аналіз падзей у Казахстане выразна паказвае на наяўнасць знешняга фактару. Роўна гэтак жа, як было ў Югаславіі, Іраку, Сірыі, Украіне, не так даўно і ў Беларусі. На думку беларускага лідара, гэты працэс будзе працягвацца і трэба рабіць высновы.

Сітуацыя ў Казахстане нармалізавана, але відавочны будучыя выклікі. Гэта падстава задумацца аб умацаванні АДКБ. Арганізацыя паказала сваю дзейснасць, павінна і надалей адпавядаць часу. Галоўнае - эфектыўна супрацьстаяць пагрозам.

Практычна ўсе лідары адзначылі, якую значную ролю ў такіх падзеях выконваюць кіберпагрозы, а таксама ў цэлым медыйнае суправаджэнне. Аляксандр Лукашэнка зрабіў акцэнт на якасці працы ў інфармацыйным полі.

З падзей у Казахстане трэба зрабіць адпаведныя высновы і акрамя пагрозы звонку выразна бачыць таксама і ўнутраныя прычыны. Такое меркаванне выказаў Дзяржсакратар Савета бяспекі Беларусі, адказваючы на пытанні журналістаў.

Нагадаем, падзеі ў Казахстане імкліва разгортваюцца з пачатку студзеня. Эканамічныя пратэсты перараслі ў маштабныя пагромы, яны адкрыта каардынаваліся з-за мяжы. Мясцовыя праваахоўнікі сутыкнуліся з агрэсіяй арганізаваных тэрарыстычных груп. На сёння вядома пра гібель 17 сілавікоў і больш як 1 300 паранены. Колькі ахвяр сярод мірнага насельніцтва - удакладняецца.