Краіны Еўразійскага саюза зацвердзілі сумесныя прагнозы развіцця АПК

Краіны Еўразійскага саюза зацвердзілі сумесныя прагнозы развіцця аграпрамысловага комплексу і адобрылі балансы попыту і прапановы на харчаванне. Рашэнне канчаткова прынята сёння на міжурадавым савеце ЕАЭС у Кыргызстане. Як падкрэсліў міністр Еўразійскай эканамічнай камісіі Аляксандр Субоцін у інтэрв'ю нашаму тэлеканалу, упершыню такія рашэнні дэталёва прапрацаваныя і аператыўна ўзгодненыя ўсімі краінамі - удзельніцамі ЕАЭС. У аснове падыходаў - прынцып прыярытэту ўзаемнага гандлю над знешнім. Адзіная палітыка ў гэтай сферы дапаможа скараціць імпарт у рамках Саюза, гарантаваць харчовую бяспеку краін "пяцёркі", а таксама зняць шэраг бар'ераў пры перамяшчэнні тавараў праз унутраныя межы ЕАЭС.

Парадак міжурадавага савета насычаны. Партнёры абмяркоўваюць размеркаванне ўвазных мытных пошлін паміж бюджэтамі краін пяцёркі, рэалізацыю лічбавых праектаў у рамках ЕАЭС. Перамовы праходзяць пад знакам ліквідацыі перашкод на ўнутраным рынку Саюза.