Краіны АДКБ распрацоўваюць стратэгію кааперацыі прадпрыемстваў ваенпрама

Краіны АДКБ распрацоўваюць стратэгію кааперацыі прадпрыемстваў ваенпрама. Аб гэтым напярэдадні было заяўлена падчас пасяджэння Міждзяржкамісіі па ваенна-эканамічным супрацоўніцтве Арганізацыі Дагавора аб калектыўнай бяспецы. Папярэдне гэтая стратэгія была адобрана краінамі - ўдзельніцамі альянсу, зараз неабходна праводзіць працэдуру ўзгаднення і выносіць гэта пытанне на разгляд кіраўнікоў дзяржаў. На прадмет стварэння сумеснай прадукцыі краін АДКБ кіраўнік Дзяржваенпрама Беларусі Дзмітрый Пантус адзначыў, што зараз, калі стаіць пытанне аб стварэнні базавай арганізацыі па каардынацыі стварэння прадуктаў ваенна-тэхнічнага прызначэння ў краінах АДКБ, праца ў гэтым плане разгорнута вельмі шырока.

Акрамя таго, на пасяджэнні камісіі абмяркоўвалася і стварэнне Міжнароднага ваенна-тэхнічнага форуму ў фармаце АДКБ. Калі вобразна гаварыць, то гэта будзе выстава сродкаў гарантавання бяспекі, дзе будуць прымаць удзел прадпрыемствы абаронна-прамысловых комплексаў дзяржаў-удзельнікаў. Гэта аснова выставы. І магчыма, задзейнічаўшы механізм партнёрства, будуць прыцягвацца трэція краіны.