Цэнтрвыбаркам прымае заявы на рэгістрацыю ініцыятыўных груп па 15 мая

Яшчэ два дні па 15 мая ўключна Цэнтрвыбаркам прымае заявы на рэгістрацыю ініцыятыўных груп. Менавіта яе ўдзельнікі будуць збіраць подпісы ў падтрымку вылучэння свайго кандыдата на вышэйшую пасаду ў краіне. Прыступіць да гэтага працэсу яны змогуць праз тыдзень, пачынаючы з 21 мая. Паралельна зараз ідзе вылучэнне прадстаўнікоў у склад тэрытарыяльных камісій, якія павінны быць сфарміраваныя не пазней за 20 мая. Нагадаем, выбары Прэзідэнта пройдуць у краіне 9 жніўня.