У беларускіх парламентарыяў пачынаецца вясновая сесія

Літаральна гадзіна застаецца да пачатку вясенняй сесіі ў парламентарыяў. Шостая па ліку, яна прадоўжыцца да канца чэрвеня. Колькі і якія пытанні на парадку дня ў дэпутатаў і сенатараў, даведаемся ў нашага карэспандэнта Святланы Лук’янюк (прамое ўключэнне).

Сесія Палаты прадстаўнікоў адкрыецца ўжо менш чым праз гадзіну - у 10:00. Сёння дэпутаты збяруцца поўным складам у абноўленай Авальнай зале. Мінулую сесію прыходзілася арандаваць вялікую залу ў Саўміне для пасяджэнняў. Для нас, журналістаў, будзе і новы прэс-цэнтр з вялікім экранам, дзе можна слухаць і бачыць усё, што адбываецца ў Авальнай зале. Звычайна ў прэс-цэнтры працуюць журналісты газет і інфармагенцтваў. Мы, тэлевізіёншчыкі, працуем у зале. Парадак дня гэтай сесіі - 37 ужо падрыхтаваных для разгляду праектаў законаў. Падзея, якую чакаюць і якая стане ключавой на гэтай вясенняй сесіі - Пасланне Прэзідэнта народу і парламенту.

На савеце Палаты прадстаўнікоў спікер Андрэйчанка назваў дату - 19 красавіка. Павышаная ўвага да гэтай падзеі і з боку СМІ. Арыенціры гучаць для кожнай галіны ўлады, узнімаюцца надзённыя пытанні і агучваюцца перспектыўныя напрамкі развіцця краіны ў цэлым і кожнай галіны ў прыватнасці. Асаблівую ўвагу дэпутаты будуць надаваць і рабоце ў акругах, сустрэчам з выбаршчыкамі. Гэта добры маніторынг прынятых законаў, як яны працуюць, з якімі праблемамі сутыкаюцца людзі. А сёння на пасяджэнні дэпутаты разгледзяць законапраекты аб ахове працы, змяненні ў дакументы па жыллёвых адносінах, аб прававым становішчы замежных грамадзян, а таксама дапаўненні ў некаторыя кодэксы аб процідзеянні допінгу ў спорце і па пытаннях абмежавання ў наведванні казіно. Маецца на ўвазе ўзроставае абмежаванне ў анлайн-казіно.

Чакаем сёння тут міністра працы і сацабароны Ірыну Касцевіч, спорту і турызму Сяргея Кавальчука. Больш падрабязна, як галасавалі і што прапаноўвалі ў Авальнай зале, раскажам ужо ў наступным выпуску навін у 12:00. Скажу толькі, што сёння пачынаюць работу і беларускія сенатары. Адкрыццё сесіі ў верхняй палаце парламента ў 16:00. Такая інфармацыя на гэты час.