У Арменіі праходзіць Савет кіраўнікоў МЗС АДКБ

У Арменіі працягваецца саміт Савета кіраўнікоў МЗС краін Арганізацыі Дагавора аб калектыўнай бяспецы. Беларусь прадстаўляе на ерэванскім саміце Уладзімір Макей. Міністры замежных спраў, якія прыбылі ў Ерэван, сустрэліся з прэм'ер-міністрам Арменіі Пашынянам. Удзельнікі сустрэчы абмеркавалі актуальныя праблемы ўзаемадзеяння краін - удзельніц АДКБ. У далейшай праграме - сустрэчы ў пашыраным і вузкім саставе: удзельнікі абмяркоўваюць пытанні рэгіянальнай і міжнароднай бяспекі, а таксама праблемы бяспекі асобных дзяржаў - удзельніц АДКБ.