У Душанбэ прайшла сустрэча прэзідэнтаў Беларусі і Таджыкістана

Развіццё двухбаковага супрацоўніцтва, ваенна-палітычнае становішча ў рэгіёне і ключавыя тэмы маючых адбыцца самітаў АДКБ і ШАС. У Душанбэ прайшла сустрэча прэзідэнтаў Беларусі і Таджыкістана.

Таджыкскі лідар прымаў беларускага калегу ў сваім знакамітым разным кабінеце ў Палацы Нацыі. Дарэчы, упершыню гэтыя інтэр'еры Эмамалі Рахмон прадэманстраваў Аляксандру Лукашэнку ў верасні 2018 года. Яны ўпрыгожаны майстэрскай драўлянай разьбой ручной работы ў нацыянальным стылі. За сталом перамоў - лідары блізкіх народаў і дзяржаў. Цёплая сустрэча даўніх сяброў.

Яшчэ адну сустрэчу з кіраўніцтвам Таджыкістана Прэзідэнт Беларусі правёў адразу ж па прылёце ў Душанбэ: у аэрапорце Аляксандр Лукашэнка пагутарыў з прэм'ер-міністрам краіны Кахірам Расулзадой. (Усё гэта - зверка гадзіннікаў перад днём вялікай палітыкі). У сталіцы Таджыкістана 15-17 верасня пройдуць сесія Савета калектыўнай бяспекі АДКБ і пасяджэнне Савета кіраўнікоў дзяржаў - членаў Шанхайскай арганізацыі супрацоўніцтва. На саміце абмяркуюць праблемы міжнароднай і рэгіянальнай бяспекі і іх уплыў на бяспеку дзяржаў АДКБ.Адным з найважнейшых пытанняў стане сітуацыя ў Афганістане.Шанхайская арганізацыя супрацоўніцтва сёлета адзначыла сваё 20-годдзе і пасяджэнне кіраўнікоў дзяржаў у Душанбэ - юбілейнае. Нагадаем, Беларусь атрымала статус назіральніка ў ШОС у 2015 годзе.І сёння перад арганізацыяй - самыя сур'ёзныя выклікі.

У Таджыкістане таксама запланавана сумесная сустрэча лідараў Шанхайскай арганізацыі супрацоўніцтва і АДКБ, на якой будуць абмеркаваны сітуацыя ў Афганістане і меры па гарантаванні бяспекі ў рэгіёне. Мерапрыемства пройдзе па ініцыятыве кіраўніка беларускай дзяржавы.