У Казані абмяркоўваюць актуальныя задачы паглыблення еўразійскай інтэграцыі

Сталіца Татарстана прымае Міжурадавы савет. Прэм'еры еўразійскай "пяцёркі" напярэдадні правялі сустрэчу ў вузкім саставе. А сёння да перамоў далучацца дэлегацыі краін-удзельніц. Асаблівая ўвага - пытанням функцыянавання ўнутранага рынку, мытна-тарыфнага рэгулявання, а таксама перспектывам супрацоўніцтва ў галіне касмічных даследаванняў. Чакаецца, што кіраўнікі ўрадаў зацвердзяць асноўныя напрамкі прамысловага супрацоўніцтва на пяцігодку. Візіт у Татарстан - гэта яшчэ і магчымасць ацаніць эканамічны патэнцыял супрацоўніцтва па лініі Мінск - Казань, а таксама правесці шэраг двухбаковых сустрэч.