У. Макей: Еўрасаюз адмаўляецца ад кансультацый па нелегальнай міграцыі

Еўрасаюз адмаўляецца правесці кансультацыі па пытаннях нелегальнай міграцыі, хоць Беларусь прапануе зрабіць гэта з красавіка. Пра гэта міністр замежных спраў нашай краіны Уладзімір Макей распавёў сёння журналістам, каменціруючы міграцыйны крызіс, які склаўся на заходнім кірунку. Размова ідзе пра паток грамадзян з дзяржаў, якія імкнуцца ў ЕС, пасля таго як заходняя кааліцыя пад маркай насаджэння дэмакратыі разбурыла эканомікі цэлага шэрагу краін Блізкага Усходу і Афрыкі. І зараз адмаўляецца не толькі браць на сябе адказнасць за лёсы гэтых людзей, але і спрабуе абвінаваціць у павелічэнні патоку бежанцаў іншы бок.

Міністр замежных спраў таксама падзяліўся інфармацыяй, што ёсць кандыдатура на пасаду пасла ў ЗША. Аднак у цяперашніх умовах уводзімых санкцый і абразлівай рыторыкі з боку Злучаных Штатаў у дачыненні да грамадзян Беларусі наша краіна не бачыць сэнсу яго туды накіроўваць.