У. Макей: Беларусь з'яўляецца надзейным і прадказальным палітычным і эканамічным партнёрам

"Беларусь з'яўляецца надзейным і прадказальным палітычным і эканамічным партнёрам", - заявіў Уладзімір Макей, выступаючы на Беларуска-Афрыканскім эканамічным форуме. Міністр адзначыў, што супрацоўніцтва з афрыканскімі краінамі з'яўляецца важным складальнікам шматвектарнага спектру знешняй палітыкі Беларусі. Гэта добра прыкметна на лічбах: за апошнія тры гады аб'ём узаемнага гандлю Беларусі і дзяржаў Афрыкі сумарна склаў больш за 1 мільярд 800 мільёнаў долараў. На экспарт ідуць беларускія кар'ерныя самазвалы, грузавая і сельскагаспадарчая тэхніка, а таксама калійныя ўдабрэнні.