У МЗС Беларусі выкліканы часовы павераны ў справах Арменіі ў сувязі з інцыдэнтам у Ерэване

У Ерэване група празаходніх актывістаў (нібыта прыхільнікаў адной з мясцовых партый) учыніла акт вандалізму ў дачыненні да пасольства Беларусі. Яны кінулі ў дыппрадстаўніцтва бульбу, яйкі і памідоры.

Сёння ў МЗС запрасілі часовага паверанага ў справах Арменіі ў Беларусі. Яго праінфармавалі аб інцыдэнце, а таксама нанесеным беларускай дыпмісіі ўроне. Паказалі і на відавочна недастатковыя меры армянскіх праваахоўных органаў па прадухіленні абуральнай выхадкі.