У МЗС упершыню ўручылі нагрудныя знакі адрознення органаў дыпслужбы Беларусі

Сімвал мудрасці, вопыту і традыцый. Упершыню працаўнікам беларускага МЗС былі ўручаныя нагрудныя знакі адрознення органаў дыпламатычнай службы Беларусі. Ва ўрачыстай цырымоніі прыняў удзел першы намеснік міністра замежных спраў нашай краіны Андрэй Еўдачэнка. Паводле яго слоў, за гады незалежнасці Беларусь дасягнула прыкметных поспехаў на міжнароднай арэне, стала ўдзельнікам новых інтэграцыйных праектаў. І гэта шмат у чым заслуга дыпламатаў.

Зараз Беларусь разам з партнёрамі па ЕАЭС працуе над лібералізацыяй гандлёвых адносін з дзяржавамі. У пакеце не менш за 12 новых краін. Нагадаем, пагадненні аб вольным гандлі ўжо складзеныя з Кітаем і Іранам. Ёсць некаторыя поспехі ў перамовах з Ізраілем, абмяркоўваюцца дэталі з Егіптам і Індыяй. Акрамя таго, у лютым у Жэневе Беларусь правядзе чарговы раўнд перамоў аб уваходжанні ў СГА.