У Мінску прайшло пасяджэнне Міждзяржкамісіі па ваенна-эканамічным супрацоўніцтве АДКБ

Абсталяванне КСАР АДКБ, карпарацыя прадпрыемстваў ваенпрама краін-удзельніц альянсу і сітуацыя ў Цэнтральнай Азіі: у Мінску прайшло пасяджэнне Міждзяржкамісіі па ваенна-эканамічным супрацоўніцтве АДКБ. Старшыня, віцэ-прэм'ер Расіі Юрый Барысаў адзначыў, што дзяржавы Арганізацыі Дагавора аб калектыўнай бяспецы сур'ёзна прасунуліся ў плане абсталявання калектыўных сіл аператыўнага рэагавання. Паводле яго слоў, на пасяджэнні быў падпісаны шэраг важных дакументаў, якія спрыяюць інтэграцыі, сумесным дзеянням у галіне забеспячэння калектыўнай бяспекі. Пры гэтым Юрый Барысаў падкрэсліў важнасць такіх дзеянняў у сувязі з сітуацыяй у Цэнтральнай Азіі.

Дакументы, падрыхтаваныя па выніках працы міждзяржкамісіі, будуць прадстаўленыя для разгляду кіраўнікам дзяржаў арганізацыі на маючай адбыцца 16 верасня сустрэчы ў Таджыкістане.

На пасяджэнні былі разгледжаныя 2 прынцыповыя пытанні. Адно - гэта стратэгія далейшай працы інтэграцыі, кааперацыі прадпрыемстваў абаронна-прамысловага комплексу краін - удзельніц АДКБ. І як адзначыў Валерый Семерыкоў, папярэдне гэтая стратэгія была адобраная. Далей трэба будзе праводзіць працэдуру ўзгаднення і выносіць гэтае пытанне на разгляд кіраўнікоў дзяржаў. Арыенціровачна да наступнага года будуць канкрэтныя ўзгодненыя прапановы, адзначыў намеснік генеральнага сакратара АДКБ.