У Мінску сёння адбудзецца чарговае пасяджэнне кантактнай групы

У Мінску сёння адбудзецца чарговае пасяджэнне кантактнай групы па ўрэгуляванні сітуацыі на ўсходзе Украіны. Будзе прадоўжана абмеркаванне абмену палоннымі паміж бакамі канфлікту ў Данбасе. Акрамя таго, сустрэча пройдзе на фоне важнага этапа - Кіеў і самаабвешчаная ДНР пачалі адвод войскаў у раёне населенага пункта Пятроўскае. Развядзенне сіл на лініі судакранання ў Данбасе - умова для саміту "нармандскай чацвёркі" (Украіна, Германія, Францыя і Расія), дзе бакі абмяркуюць далейшыя крокі па ўрэгуляванні канфлікту ў рэгіёне.