У Цэнтрвыбаркаме рабочы дзень пачаўся раніцай

На сувязь са студыяй выходзіць Аляксандр Харавец. Аляксандр, як пачаўся рабочы дзень у Цэнтрвыбаркаме, і ці змянілася лічба датэрміновага галасавання? (прамое ўключэнне).

Вы ведаеце, спецыялісты Цэнтрвыбаркама на рабочых месцах з 6 раніцы. Адчуваецца, што сёння ва ўсіх будзе напружаны, адказны і доўгі рабочы дзень. Зрэшты, якой-небудзь мітусні тут не назіраецца. ЦВК працуе, як адладжаны механізм добрага гадзінніка. І так, паводле звестак на 8 раніцы, усе выбарчыя ўчасткі па краіне адчынілі свае дзверы і ўжо пачалі прымаць першыя галасы беларусаў за таго або іншага прэтэндэнта на дэпутацкі мандат. І самую актуальную інфармацыю да гэтай гадзіны мы абмяркуем з кіраўніком Цэнтрвыбаркама Лідзіяй Ярмошынай.

Лідзія Міхайлаўна, добрай раніцы. Але перш чым пагаварыць аб адным з найважнейшых дзён года ў палітычным жыцці краіны, дазвольце Вас павіншаваць з асноўным днём галасавання. Бо для беларусаў выбары - гэта заўсёды свята. І ўручыць вось такі сціплы букет.

Чакаем наступных уключэнняў і самай свежай інфармацыі ад Цэнтрвыбаркама. А я нагадаю, што ў гонцы за дэпутацкія крэслы застаюцца 513 прэтэндэнтаў. Аддаць голас за свайго кандыдата можна да 20:00. Ды і надвор'е, мяркуючы па прагнозах сіноптыкаў, сёння будзе не па-лістападаўску цёплым. Так што, нішто не павінна перашкодзіць выбаршчыкам прыйсці на выбары і паставіць галачку ў графе насупраць прозвішчы чалавека, які ў найбліжэйшыя гады, магчыма, будзе ўдзельнічаць у прыняцці лёсавызначальных рашэнняў для краіны.

Новыя звесткі аб ходзе галасавання ў кіраўніка Цэнтрвыбаркама мы даведаемся ўжо праз гадзіну.