У ЦВК зацвердзілі план арганізацыі маючых адбыцца парламенцкіх выбараў

У Беларусі пачалася парламенцкая кампанія. Напярэдадні сталі вядомы даты, а ўжо сёння Цэнтрвыбаркам зацвердзіў каляндарны план выбараў. Гэта значыць - вызначаныя асноўныя этапы кампаніі.

На гэты раз вылучана больш сродкаў, што звязана з ростам сярэдняй зарплаты па краіне. З Цэнтрвыбаркама перадае Аляксей Волкаў. 7 лістапада адбудуцца выбары ў Савет Рэспублікі, а 17-га - у Палату прадстаўнікоў сёмага склікання. У сваю чаргу Цэнтрвыбаркам сёння зацвердзіў план дзеяння і арганізацыю парламенцкіх кампаній. Так, на правядзенне ўсіх мерапрыемстваў з бюджэту вылучана прыкладна 23 мільёны рублёў.

Амаль два дзясяткі пытанняў на пасяджэнні Цэнтральнай камісіі па выбарах і правядзенні рэспубліканскіх рэферэндумаў абмеркавалі прадстаўнікі ЦВК. Сярод асноўных тэм: каляндарны план мерапрыемстваў і арганізацыя выдаткаў на падрыхтоўку парламенцкай кампаніі. Першы этап з якой – стварэнне акруговых выбарчых камісій на выбарах дэпутатаў Палаты прадстаўнікоў павінен завяршыцца да 2 верасня.

А вось вылучэнне кандыдатаў у Савет Рэспублікі пройдзе з 9 верасня па 8 кастрычніка. Дарэчы, выбары ў верхнюю палату парламента не прадугледжваюць правядзення агітацыі. Ад кожнай вобласці і Мінска тайным галасаваннем на сходах мясцовых дэпутатаў выбіраюцца 8 членаў Савета Рэспублікі. Яшчэ 8 прызначаецца Кіраўніком дзяржавы.

Таксама Беларусь накіравала запрашэнні міжнародным арганізацыям назіраць за выбарамі: гэта Парламенцкая асамблея АБСЕ, Выканкам СНД і Шанхайская арганізацыя супрацоўніцтва. Гаварыць аб колькасці назіральнікаў рана - місіі пакуль не сфарміраваныя. Прыедуць і цэнтрвыбаркамы краін СНД, Грузіі і Рэспублікі Карэя.