У ПАР працягваецца саміт БРІКС

У ПАР працягваецца саміт БРІКС - упершыню бярэ ўдзел беларуская дэлегацыя. На палях саміту кіраўнік МЗС Сяргей Алейнік правёў серыю сустрэч, у прыватнасці, з прэзідэнтам Дзяржавы Эрытрэя, міністрам замежных спраў Экватарыяльнай Гвінеі, міністрам эканамічнай каардынацыі Анголы, з дзяржаўным міністрам Аб'яднаных Арабскіх Эміратаў па міжнародным супрацоўніцтве і міністрам замежных спраў Саудаўскай Аравіі. Сярод асноўных тэм - двухбаковыя адносіны і актывізацыя кантактаў на розных узроўнях.

Сяргей Алейнік адзначыў, Беларусь разлічвае ў перспектыве атрымаць пацвярджэнне на хутчэйшы прыём у БРІКС. І сёння на саміце афіцыйна абвесцяць аб пашырэнні арганізацыі. Новымі членамі, як чакаецца, стануць Саудаўская Аравія, Аргенціна, Арабскія Эміраты, Іран і Егіпет.