Уладзімір Макей правёў сустрэчу з Міністрам замежных спраў Польшчы Яцэкам Чапутовічам

Сёння кіраўнік беларускага знешнепалітычнага ведамства Уладзімір Макей у рамках сустрэчы Асноўнай групы Мюнхенскай канферэнцыі па бяспецы на сустрэчы з Міністрам замежных спраў Польшчы Яцэкам Чапутовічам заявіў аб тым, што краінам трэба многае зрабіць, каб дасягнуць новага ўзроўню ўзаемадзеяння. Кіраўнік беларускага МЗС падкрэсліў, што развіццё супрацоўніцтва з Польшчай заўсёды было прыярытэтам, і Беларусь застанецца надзейным партнёрам. Таксама прызнана паспяховым і канструктыўным супрацоўніцтва Беларусі і Славакіі. Уладзімір Макей адзначыў, што сустрэчы з Міністрам замежных і еўрапейскіх спраў Славакіі, а таксама старшынёй 72-ой сесіі Генеральнай асамблеі ААН Міраславам Лайчакам з'яўляюцца частымі і рэгулярнымі на розных міжнародных пляцоўках. І павіншаваў славацкі бок з паспяховым завяршэннем старшынства ў Генеральнай асамблеі ААН.