Улады Літвы адклікаюць свайго пасла з Беларусі для кансультацый

Улады Літвы адклікаюць пасла з Беларусі для кансультацый - паведаміла прэс-служба літоўскага МЗС.

Нагадаем, напрыканцы мінулага тыдня Мінск паведаміў, што адклікае для кансультацый сваіх паслоў у Польшчы і Літве. Гэта ж прапанавана зрабіць Варшаве і Вільнюсу. Афіцыйны прадстаўнік МЗС Беларусі Анатоль Глаз падкрэсліў, што гэтыя "вымушаныя меры прынятыя не без шкадавання пасля доўгага цярпення і заклікаў да разважлівасці, выключна з прычыны асаблівай дэструктыўнай ролі, якую вырашыла іграць на практыцы кіраўніцтва Польшчы і Літвы ў дачыненні да Беларусі".