У Палацы Незалежнасці абмеркавалі ключавыя пытанні развіцця сталічнага рэгіёна

Ключавыя пытанні развіцця сталічнага рэгіёна - ад эканомікі да сацыяльнай сферы - сёння абмеркавалі ў Палацы Незалежнасці.

Прэзідэнт адкрыў першы рабочы тыдзень 2022-га сустрэчай з губернатарам Мінскай вобласці. Аляксандр Турчын на чале рэгіёна ўжо два гады. Нядаўнія кадравыя ратацыі ў разрэзе абласцей (а ў краіне змяніліся тры губернатары) цэнтральны рэгіён не закранулі. Прэзідэнт упэўнены: за час працы на сваёй пасадзе губернатар добра вывучыў, чым жыве рэгіён, што важна для людзей. Павысіць узровень дабрабыту грамадзян сёння найважнейшая задача. Размова закранула асноўныя эканамічныя паказчыкі. Не абышлі і важныя сацыяльныя пытанні.

Да цэнтральнага рэгіёна - пільная ўвага. Міншчына заўсёды была эталонам развіцця для іншых абласцей. А таму планку зніжаць нельга. Як паказаў мінулы год, ці ледзь не ўсе прагнозныя паказчыкі, за выключэннем інвестыцый, былі выкананы. Але вобласць павінна прыбаўляць. АПК - адзін з механізмаў. Губернатар прадставіў шэраг прапаноў па развіцці аграпрамысловага комплексу.