У Палацы Незалежнасці абмеркавалі контуры работы па вялікіх палітычных падзеях

Работа з людзьмі ў прыярытэце для ўсёй дзяржаўнай вертыкалі Беларусі. А падрыхтоўка і правядзенне электаральнай кампаніі не павінны парушыць звыклы рытм жыцця ў краіне.

Гэтыя акцэнты ад Прэзідэнта прагучалі 10 верасня. На нарадзе ў Палацы Незалежнасці абмеркавалі контуры работы па вялікіх палітычных падзеях. Гэта не толькі выбары, але і Усебеларускі народны сход. Працаваць зараз трэба, не змяншаючы абаротаў. І рыхтавацца да новай эканамічнай пяцігодкі.

Падыход Прэзідэнта не сакрэт: нягледзячы на палітычныя перыяды, Аляксандр Лукашэнка нязменна патрабуе ад кіраўнікоў у першую чаргу слухаць і чуць людзей, эфектыўна вырашаць іх надзённыя пытанні.

Была рэакцыя і на інсінуацыі з нагоды даты маючых адбыцца ў Беларусі прэзідэнцкіх выбараў. Адказ тут просты: усё будзе згодна з законам. Падрабязнасці нарады расказала Наталля Брэвус (гл. відэа).