У Палацы Незалежнасці падводзяць вынікі рабочай групы па Канстытуцыі

Любыя палітычныя навацыі павінны ствараць умовы для развіцця суверэннай Беларусі.

Аб гэтым Аляксандр Лукашэнка заявіў на сустрэчы з рабочай групай па дашліфоўцы праекта Канстытуцыі. Асноўны закон краіны - вяршыня прававой сістэмы. Адсюль і такая ўвага з боку Прэзідэнта. Неабходна звесці разам усе раней агучаныя прапановы. Палажэнні абноўленай Канстытуцыі павінны ўяўляць сабой адзіную стройную сістэму. Наступны крок - нарада з Канстытуцыйнай камісіяй. Таксама кіраўнік дзяржавы прапанаваў правесці маштабнае сацдаследаванне і па пытаннях рэфармавання Асноўнага закона, і ў цэлым па актуальным парадку. Прэзідэнт падкрэсліў, што органам улады важна ведаць меркаванне грамадзян. Закрануў лідар і актуальны парадак.

Што датычыцца канстытуцыйных змен, галоўнае - новыя прапановы не павінны дэстабілізаваць становішча ў грамадстве. Прапаноўваецца захаваць сістэму ўлады, якая існуе ў краіне. З новага: асаблівая роля Усебеларускага народнага сходу, пераразмеркаванне паўнамоцтваў паміж дзяржорганамі. Інстытут сям'і і традыцыйныя каштоўнасці - адзін з прыярытэтаў Беларусі - дзяржава выступае за пераемнасць пакаленняў і развіццё нацыянальных асноў. Сярод іншых важных навэл - асаблівая ўвага пытанням патрыятызму і гістарычнай памяці. Апошняе слова ў прыняцці Канстытуцыі будзе за беларусамі. Бо праект закона вынесуць на ўсенароднае абмеркаванне.