Пытанні Еўразійскай інтэграцыі абмяркоўваюць на міжурадавым савеце ЕАЭС у Алматы

Для эфектыўнай працы Еўразійскага эканамічнага саюза патрэбная дысцыпліна выканання дамоўленасцяў. Пра гэта гаварыў беларускі прэм'ер сёння ў Алматы на пасяджэнні міжурадавага савета аб'яднання. Асаблівая ўвага надаецца пытанням прамысловай кааперацыі, стварэнню сумесных прадпрыемстваў і інфраструктурных праектаў. Па некаторых таварах інтарэсы супадаюць, але тут важна знаходзіць пункты ўзаемадзеяння, а не штучна ствараць бар'еры на рынку. Тым больш сёння для многіх актуальная тэма імпартазамяшчэння, каб знізіць залежнасць ад паставак дэталяў звонку, а таксама знайсці новыя рынкі для продажу прадукцыі з ЕАЭС. Сярод перспектыўных называюць Азію, Афрыку, Лацінскую Амерыку.

Беларусь выступае за стварэнне інтэграванай інфармацыйнай сістэмы ЕАЭС і прызнанне электроннага лічбавага подпісу, а таксама адзіныя падыходы па маркіроўцы тавараў, добрасумленную канкурэнцыю і кааперацыю ў гандлі.