Сустрэча Лукашэнкі і Аліева праходзіць у Палацы Прэзідэнта Азербайджана

Мінск і Баку пацвярджаюць стратэгічны характар адносін! Наш Прэзідэнт гэтымі днямі ў Азербайджане з дзяржаўным візітам.

З моманту мінулай сустрэчы ў Баку прайшло тры гады. Лідары настроены правесці рэвізію адносін. Тым больш, для гэтага няма ніякіх перашкод! Нашы краіны злучаюць моцная сувязь дружбы, цёплыя асабістыя адносіны прэзідэнтаў і ўзаемная зацікаўленасць у доўгатэрміновым партнёрстве. Ільхам Аліеў асабіста сустракае Аляксандра Лукашэнку ў палацы "Загульба" на беразе Каспія.

Паводле пратакола, перамовам папярэднічае цырыманіял з удзелам роты ганаровай варты. Яшчэ адна абавязковая традыцыя - фатаграфаванне лідараў. Толькі пасля кіраўнікі дзяржаў прыступаюць да перамоў. У вузкім складзе сустрэча прайшла за зачыненымі дзвярыма - лідары размаўлялі амаль паўтары гадзіны. Затым да іх далучыліся члены дэлегацый.