Пасяджэнне Еўразійскага міжурадавага савета адбудзецца сёння

Праект стратэгіі інтэграцыі да 2025 года і ліквідацыя абмежаванняў на агульным рынку Еўразійскага саюза - гэта асноўныя тэмы перамоў на Міжурадавым савеце, які пройдзе сёння. З-за пандэміі пяцёрка сустрэнецца ў відэафармаце. Усяго на парадку дзевяць пытанняў. Будуць пераглядаць пералік краін - карыстальнікаў адзінай сістэмы тарыфных прэферэнцый, бяспеку прадуктаў харчавання, правілы азначэння краіны паходжання асобных відаў тавараў для дзяржзакупак, а таксама стварэнне адзінага рынку будаўнічых паслуг.

Кіраўнікі ўрадаў разгледзяць і пытанне аб прапанаванні Вышэйшаму Еўразійскаму эканамічнаму савету кандыдатуры члена Савета камісіі ад Кыргызстана.