Пасяджэнне Савета Парламенцкага сходу Саюза Беларусі і Расіі пройдзе ў Пскове

Умацаванне саюзных пазіцый, міжрэгіянальнае супрацоўніцтва, адказы на цяперашнія выклікі і пагрозы, а таксама праект бюджэту Саюзнай дзяржавы на наступны год - сёння ў Пскове адбудзецца выязное пасяджэнне Савета Парламенцкага сходу краін з удзелам спікера ніжняй палаты парламента Уладзіміра Андрэйчанкі і яго расійскага калегі - старшыні Дзярждумы Вячаслава Валодзіна. На парадку парламентарыяў і правядзенне ўрадавай гадзіны. Асноўнае пытанне - стварэнне адзіных сацыяльных стандартаў для грамадзян дзвюх дзяржаў. Гаворка ідзе аб гарманізацыі заканадаўства на рынку працы, сацыяльным страхаванні і пенсіённым забеспячэнні, а таксама пытаннях падтрымкі сямей з дзецьмі і малазабяспечаных грамадзян.