Пасяджэнне трохбаковай кантактнай групы прайшло ў Мінску

Удзельнікі пасяджэння трохбаковай кантактнай групы па вырашэнні сітуацыі на ўсходзе Украіны адзначаюць узмацненне бяспекі на трох пілотных участках развядзення сіл на тэрыторыі Данбаса - у раёнах станіцы Луганскай, Залатога і Пятроўскага. Сёння, напярэдадні нармандскага саміту ў Парыжы, з Мінска прагучаў настойлівы заклік зрабіць усё магчымае для строгага выконвання рэжыму цішыні.

У цэлым, паводле слоў Марціна Сайдыка, развіццё падзей у апошні час выклікае пэўны аптымізм. Але па-ранейшаму вострым застаецца пытанне абмену палоннымі. Сёння дэлегацыя самаабвешчанай ДНР прапанавала Кіеву правесці вялікі абмен да канца года.