30 гадоў Кіраўніцтву справамі Прэзідэнта! З нагоды асаблівай даты Лукашэнка ўручыў дзяржузнагароды

Узнагароды за працу на карысць краіны! Сёння ў Палацы Незалежнасці ўшаноўвалі працаўнікоў калектыву Кіраўніцтва справамі Прэзідэнта!

Найважнейшая структура створана 30 гадоў таму - літаральна праз месяц пасля першых у гісторыі суверэннай Беларусі выбараў кіраўніка дзяржавы. Падраздзяленне забяспечвала матэрыяльна-тэхнічнае суправаджэнне працы дзяржорганаў. З часам функцыі пашырыліся, і зараз яно аб'ядноўвае 20 тысяч спецыялістаў з самых розных сфер: ЖКГ, будаўніцтва, культура, ахова здароўя, гандаль, грамадскае харчаванне, гасцініцы і АПК.

Асобна Прэзідэнт згадаў пра працу 6 тысяч аграрыяў. Дзякуючы ім прадпрыемствы Кіраўніцтва справамі па шматлікіх кірунках сельгасвытворчасці сталі лідарамі ў рэспубліцы. У цэнтры ўвагі і людзі, якія захавалі для дзяржавы дзясяткі старажытных народных традыцый і развіваюць сучасную мастацкую творчасць.

Адзначана і праца супрацоўнікаў Дэпартамента па гуманітарнай дзейнасці. Тысячы дабрачынных ініцыятыў і сацыяльна значных праектаў - гэта іх заслуга.