А.Лукашэнка: Беларусь гатова прыняць актыўны ўдзел у плане індустрыялізацыі Таджыкістана

Беларусь гатова прыняць актыўны ўдзел у плане індустрыялізацыі Таджыкістана. Аб гэтым Прэзідэнт Аляксандр Лукашэнка заявіў сёння на сустрэчы з лідарам Таджыкістана Эмамалі Рахмонам. Перамовы адбылася ў Душанбэ ў Палацы Нацыі. Гэты будынак унікальны па сваёй архітэктуры і, асабліва, аздабленні. Кожная з залаў выканана ў сваёй асаблівай тэхніцы. Напрыклад, усе элементы памяшкання, дзе ішла размова, выкананыя ўручную з дрэва. Не выключана, што і ў Мінску ў Палацы Незалежнасці хутка з'явіцца зала ў падобным стылі. Такую магчымасць абмеркавалі самі лідары яшчэ да афіцыйнай перагаворнай часткі. Сама сустрэча прайшла ў сяброўскай атмасферы. Кіраўнік беларускай дзяржавы таксама падзякаваў Таджыкістану за ветлівасць і цеплыню. Адзначыўшы, што гэта сказана зусім не для пратакола.

Асноўная ўвага - пытанням эканомікі. Эмамалі Рахмон заявіў, што дамоўленасці, дасягнутыя падчас афіцыйнага візіту Аляксандра Лукашэнкі ў маі бягучага года, паспяхова рэалізуюцца. Галоўная задача, якую паставілі прэзідэнты, - паскорыць гэты працэс. Беларусь са свайго боку гатова і далей спрыяць развіццю кантактаў на ўсіх узроўнях.

Добрым прыкладам супрацоўніцтва служыць прадпрыемства па зборцы сельгастэхнікі, якое сёння таксама наведалі лідары. Сёння ў Гісары адкрылі другую чаргу вытворчасці і шаурум, дзе прадстаўлена ўсё, што можа прапанаваць наша краіна ў галіне машынабудавання і спадарожных тавараў. Пачынаючы ад шын і матораў і заканчваючы самымі сучаснымі энерганасычанымі трактарамі і спецыяльна распрацаванымі для Таджыкістана горнымі касілкамі.

Нагадаем, у 2017 гозеу тавараабарот паміж Беларуссю і Таджыкістанам склаў амаль 43 мільёны долараў. На таджыкскай тэрыторыі дзейнічаюць суб'екты тавараправоднай сеткі - больш за 15 беларускіх прадпрыемстваў.