А. Лукашэнка даў інтэрв'ю Sky News Arabia - пагаварылі пра санкцыі, інцыдэнт з самалётам Ryanair, пра адносіны з Захадам

Санкцыі, інцыдэнт з самалётам, адносіны з Захадам і міграцыя. Аляксандр Лукашэнка даў інтэрв'ю тэлеканалу Sky News Arabia. Размова працягвалася каля гадзіны. Кіраўнік дзяржавы падрабязна адказаў на пытанні журналіста. Яны датычыліся сітуацыі вакол экстраннай пасадкі самалёта Ryanair, погляду Прэзідэнта на тое, ці было гэта правакацыяй, і калі так, то хто за ёй стаіць. У цэнтры ўвагі таксама была тэматыка ўзаемаадносін Беларусі з Захадам і магчымасці дыялогу з ЕС, санкцый і іх уплыву на эканоміку краіны. Традыцыйна (згодна з дамоўленасцямі з уладальнікамі эксклюзіву Sky News) у эфіры сёння толькі два актуальныя фрагменты. Поўная версія ў найбліжэйшыя дні выйдзе ва ўладальнікаў інтэрв'ю, пасля яе пакажуць і на беларускім тэлебачанні.

Адно з пытанняў датычылася тэмы нелегальнай міграцыі праз Беларусь у краіны Еўрасаюза. Зараз на нашу краіну ў тым ліку актыўна вешаюць ярлык памагатага. Абвінавачваючы Беларусь, Захад зноў жа не бачыць калоды ў сваім воку. Мы заўсёды адкрытыя для канструктыўнага супрацоўніцтва, але ў той жа час як зараз можам ісці насустрач у гэтым пытанні, калі пастаянна сутыкаемся з недружалюбнымі дзеяннямі - інфармацыйным і рэальным тэрорам, фэйкамі, правакацыямі і санкцыённай палітыкай?! У такім разе Беларусь рэагуе адпаведна, і меры ў адказ з нашага боку не прымусяць сябе чакаць.

У якасці інтэрв'юера выступіў галоўны рэдактар навін канала Імад аль-Атраш. Ён нарадзіўся ў Ліване, раней працаваў на італьянскім дзяржтэлебачанні, на каналах Al Jazeera, France 24. Асвятляў баявыя дзеянні ў Іраку, Емене, Ліване і Сірыі, браў інтэрв'ю ў вядомых палітычных і рэлігійных дзеячаў. Пасля інтэрв'ю з кіраўніком беларускай дзяржавы Імад аль-Атраш расказаў журналістам пра свае ўражанні ад размовы.