Лукашэнка: Абноўленая Канстытуцыя ствараецца не пад дзеючых Прэзідэнта і ўладу

На фінішную прамую выйшла праца па падрыхтоўцы змен у Канстытуцыю. Сёння ў Палацы Незалежнасці яшчэ раз абмеркавалі асноўныя моманты. За адным сталом - Прэзідэнт, члены Канстытуцыйнай камісіі і профільнай рабочай групы.

Сумеснымі намаганнямі ўдалося выпрацаваць найважнейшыя нормы Асноўнага закону, акумуляваўшы ў тым ліку шматлікія ініцыятывы грамадзян. У выніку прапаноўваецца замацаваць статус Усебеларускага народнага сходу, пераразмеркаваць паўнамоцтвы паміж органамі ўлады, гарантаваная стабільнасць дзяржапарата. Інстытут сям'і і традыцыйныя каштоўнасці замацаваныя як адны з прыярытэтаў нашай краіны, падтрымка сямей з дзецьмі і інвалідаў абавязковая! Асаблівая ўвага нададзена пытанням патрыятызму і гістарычнай памяці. Падрыхтаваны праект Канстытуцыі навочна дэманструе, якой будзе наша краіна заўтра, таму так дбайна падышлі да працы над дакументам.

У той момант, калі праца над дакументам практычна ўжо завершана, некаторыя са збеглых ініцыятараў так званых перамен заклікаюць ігнараваць тыя самыя перамены, акрамя таго, нават распрацавалі чарговы план па дэстабілізацыі становішча ў краіне. Новая зачэпка - рэферэндум.

Праект, які абмяркоўваецца сёння, не канчатковы - на нарадзе кожны меў магчымасць выказаць сваё меркаванне па будучых навацыях. Напрыклад, гучалі прапановы змяніць у праекце Канстытуцыі парадак фарміравання УНС, інакш размеркаваць паўнамоцтвы паміж дзяржорганамі. Увага - да кожнага слова і коскі, бо гэтыя нормы стануць далейшым крокам на шляху развіцця народаўладдзя.

Місія распрацоўшчыкаў праекта абноўленай Канстытуцыі самая адказная. Бо галоўная мэта дакумента - захаваць Беларусь незалежнай дзяржавай. Распрацоўшчыкі праекта перакананыя - ён цалкам адказвае грамадскаму запыту і сучасным рэаліям.

Апошняе слова ў прыняцці Канстытуцыі будзе за беларусамі. Праект вынесуць на ўсенароднае абмеркаванне, а пасля гэтага правядуць рэферэндум. Паводле нядаўніх сацапытанняў, больш за палову грамадзян ужо гатовыя прыняць удзел у галасаванні па пытаннях змен у дзеючую Канстытуцыю. Прэзідэнт падкрэслівае - зараз важна працаваць з людзьмі, каб у падрабязнасцях данесці ўсе навацыі і, самае галоўнае, растлумачыць іх важнасць у кантэксце выклікаў і пагроз часу.