А. Лукашэнка падчас наведвання цэха рамонту авіяцыйных кіраваных ракет: Самае галоўнае - лакалізацыя

Прэзідэнт сёння знаходзіцца з рабочай паездкай у Віцебскай вобласці. Аляксандр Лукашэнка наведаў Аршанскі раён. Першы прыпынак - вытворча-тэхнічны кластар "Вусце". Гэта адзін з самых закрытых аб'ектаў Дзяржаўнага ваенна-прамысловага камітэта. Кіраўніку дзяржавы паказалі беларускія пісталеты і аўтаматы. Яны прайшлі выпрабаванні ў нашай арміі і атрымалі станоўчыя водгукі. Зброяй таксама засталіся задаволены і замежныя заказчыкі. Аляксандр Лукашэнка наведаў цэх рэгламенту і рамонту авіяцыйных кіраваных ракет. Тут Прэзідэнт акцэнтуе ўвагу на неабходнасці лакалізаваць вытворчасць. Важна вырабляць самім і вонкавую абалонку ракеты, і кампаненты сістэмы кіравання і навядзення.

Кіраўнік дзяржавы звярнуў асаблівую ўвагу на неабходнасць лакалізацыі вытворчасці, каб на прадпрыемстве выраблялася і вонкавая абалонка ракеты, і кампаненты сістэмы кіравання і навядзення.

"Хто гарантуе, што мы не будзем ваяваць? Ні ты, ні я, ніхто не можа гарантаваць. Свет адурэў наогул. Вайна можа ўспыхнуць у любы момант у любым пункце, не дай бог у нас", - папярэдзіў беларускі лідар.

Наступным прыпынкам у прэзідэнцкім маршруце стаў Аршанскі авіярамонтны завод у Балбасаве. Гэта вядучае прадпрыемства Беларусі па капрамонце і мадэрнізацыі верталётаў Мі. Аляксандр Лукашэнка азнаёміўся з яго працай, а таксама з узорамі авіятэхнікі, рамонтам якой зараз займаюцца на прадпрыемстве. Размова таксама ішла аб далейшым развіцці аэрадрома Орша.

Яшчэ больш падрабязнасцяў у наступных выпусках.