А. Лукашэнка: Толькі ўсенародная абарона здольная даць сапраўдны адпор праціўнікам

Зноў і зноў Прэзідэнт звяртаецца да пытанняў бяспекі. Жывём у складаны час, так што абарона краіны, забеспячэнне спакойнага жыцця актуальна як ніколі. Асабліва з улікам таго, што сёння адбываецца ў свеце і вакол Беларусі.

У гэтых умовах значэнне тэрытарыяльнай абароны як важнай часткі нацыянальнай бяспекі толькі ўзрастае. Створаная ў нас сістэма даказала сваю працаздольнасць. Толькі ўсенародная абарона здольная даць сапраўдны адпор ворагу і дэструктыўным сілам, заявіў сёння Прэзідэнт. Рашэнне аб тым, што гэтым трэба займацца, было няпростым, але ў выніку правільным. Пра гэта гаварылі ў Магілёўскай вобласці - на яе прыкладзе абмеркавалі, што ўдалося зрабіць.

Але сігнал прагучаў для ўсіх - кожны рэгіён Беларусі павінен быць гатовы правесці мабілізацыю закароткі тэрмін. Ніякай ваяўнічай рыторыкі не гучала, не. Размова выключна пра тое, як у выпадку пагрозы абараніць сваю зямлю. Падрабязнасці ў Наталлі Брэвус.

Гэтай раніцай вайскоўцы ў цэнтры Шклова. Мясцовым жыхарам акурат і спалохацца. Але ніякай надзвычайшчыны. Хоць размова Галоўнакамандуючага і з людзьмі ў пагонах, і з цывільнымі сур'ёзная.

Сучасныя канфлікты не падобныя на знаёмыя сцэны з ваенных фільмаў. Лінію фронту сёння, як раней, і не ўбачыш. Гібрыдная вайна, яна такая. Хваля негатыву, што нахлынула на Беларусь апошні год, лішні раз прымушае глядзець на бяспеку па ўсіх франтах.

Як наладжана сёння гэтая самая ўсенародная абарона, абмяркоўваюць на прыкладзе Магілёўскай вобласці і Шклоўскага раёна. А наогул узяліся за гэтую тэму яшчэ ў пачатку нулявых. Больш актыўна апошнія гадоў 10. Не падыходзьце фармальна, не раз гаварыў Прэзідэнт. І час толькі пацвердзіў -намаганні былі нездарма.

Тэрытарыяльныя фарміраванні дзейнічаюць у многіх краінах, не толькі ў Беларусі. Для эфектыўнай абароны гэтая добрая дапамога. Не ўтрымліваць вялікую армію, а ведаць, што ў выпадку пагрозы будзе на каго абаперціся. Агрэсія не пачынаецца з наступлення вялікіх войскаў, а з дыверсантаў і ўзброеных банд. Так што зрэагаваць першымі змогуць якраз мясцовыя.

Вядома, тэрытарыяльныя войскі не падмяняюць Узброеныя сілы. Не замест, а разам - хутчэй, так можна апісаць формулу іх узаемадзеяння. Гэта значыць, што ў любы момант у кожным рэгіёне будзе сабраны магутны кулак, які зможа абараніць менавіта свой кавалак зямлі.

У мінулым настаўнік гісторыі і ваенны - сёння хакейны трэнер. Гадуе маленькіх спартсменаў у Шклове. Але калі трэба на зборы - значыць трэба! Перыядычна шліфуюць баявыя навыкі. Жартам самі сябе такія часовыя байцы называюць партызанамі. Ім таксама даводзілася абараняць свае сем'і, што называецца, не адыходзячы ад дома.

Такая падрыхтоўка час ад часу патрэбная, каб, як гаворыцца, успомніць усё. Перыядычна ўстаюць у строй і губернатары, і радавыя байцы. Дзейнічаць павінны зладжана. Дакладным павінна быць і разуменне, чым будуць узброены такія войскі ў выпадку чаго.

Таму і ўпор сёння робяць на сваю стралковую зброю. Гэта частка глабальнага погляду на бяспеку.

У Беларусі ўдалося стварыць гібкую сістэму кіравання тэрытарыяльнай абаронай. Ёсць сем зон - у кожным рэгіёне і сталіцы. За кожную з іх адказваюць губернатары і мінскі мэр, так што галоўныя памочнікі і апора ў справе абароны - мясцовыя кіраўнікі.

Для Шклова гэты дзень запомніцца кадравым рашэннем - у раёне новы кіраўнік. Раней Андрэй Камко ўзначальваў суседні Горацкі.

Раней Прэзідэнту прапаноўвалі падпарадкаваць ваенкамаў у рэгіёнах цывільнаму кіраўніцтву. Але Галоўнакамандуючы на рэарганізацыю ваеннай вертыкалі не пайшоў. Дзеючая сістэма працуе. І праблема кіравання на парадку дня не стаіць.

Усе зразумелі, што тэрытарыяльная абарона - гэта сур'ёзна і надоўга. Адточваць навыкі і зладжанасць дзеянняў будуць і надалей. Ужо заўтра стартуюць камандна-штабныя вучэнні з тэрытарыяльнай абаронай у Брэсцкай вобласці. Такія ж чакаюць і гродзенцаў. Магілёўская вобласць адстралялася! Прыкладна паўтысячы чалавек былі мабілізаваныя ў тры стралковыя батальёны.

Выйсці з зоны камфорту часам вельмі няпроста. Але ў выпадку пагрозы і ад гэтых людзей будзе залежаць бяспека важных аб'ектаў у раёне - ад мастоў і вузлоў сувязі да бальніц і арганізацый забеспячэння.

Сказаць, што ў гэтай размове грашылі ваяўнічай рыторыкай, язык не павернецца. Проста трэба быць заўсёды гатовым пастаяць за сябе і краіну! Бо крылатая фраза "Хочаш міру - рыхтуйся да вайны" ў наш час актуальная як ніколі.