А. Лукашэнка сустрэўся з кіраўніком НАК

Кіраўнік дзяржавы правёў рабочую сустрэчу з прэзідэнтам Нацыянальнага алімпійскага камітэта Віктарам Лукашэнкам. Размова ішла пра стан спраў у спартыўнай галіне ў цэлым, а таксама пра падрыхтоўку да будучай летняй Алімпіяды ў Токіа. Беларускія спартсмены заваявалі 98 ліцэнзій. У найбліжэйшы час трэба вызначыцца са складам нацыянальнай каманды.

Аляксандр Лукашэнка звярнуў увагу таксама на папулярызацыю спорту ў краіне, на правядзенне спартыўна-масавых мерапрыемстваў у рэгіёнах.

"Назіраю за мерапрыемствамі, якія вы праводзіце з мясцовымі органамі ўлады. Быццам бы нядрэнна атрымліваецца. Людзей, гавораць, вельмі шмат прысутнічае на іх. Культурна-спартыўны фестываль "Вытокi", які нядаўна стаў сапраўдным святам для жыхароў Оршы і гасцей горада. Да гэтага яго правялі ў Лідзе, на чарзе Кобрын, Мазыр, Бабруйск, Жодзіна.Трэба працягваць гэта, - падкрэсліў Прэзідэнт. - Трэба ў гэтых гарадах, якія мы заўсёды абдзялялі ўвагай, уважыць людзей і правесці мерапрыемствы. Затым будзем глядзець на мерапрыемствы іншага плана".

Абмеркавалі не толькі спартыўную тэматыку, але і праекты ў розных сферах, якія Віктар Лукашэнка курыраваў да абрання прэзідэнтам Нацыянальнага алімпійскага камітэта. Як адзначыў кіраўнік дзяржавы, усе яны павінны заставацца на кантролі аж да завяршэння. Размова ішла таксама аб працягу ўзаемадзеяння са спецпадраздзяленнямі, якія Віктар Лукашэнка курыраваў на пасадзе памочніка Прэзідэнта па нацбяспецы. Гэта і бытавыя тэмы, якія датычацца сем'яў вайскоўцаў, і іншыя пытанні, якія пры неабходнасці трэба трымаць у полі зроку.