Эксклюзіў з Сочы і абсалютная адкрытасць беларускага Прэзідэнта ў "Галоўным эфіры" ў 21:00 на "Беларусь 1"

Сустрэча лідараў Беларусі і Расіі ў Сочы прайшла ў абсалютна сяброўскай, шчырай і давернай атмасферы. Усе здагадкі аб недаказанасці, нявызначанасці і фармальнасці дыялогу прэзідэнтаў не больш як здагадкі.

Аб гэтым у эксклюзіўным інтэрв'ю нашаму тэлеканалу падрабязна расказаў адзін з двух удзельнікаў дыялогу тэт-а-тэт на вышэйшым узроўні Аляксандр Лукашэнка. Як падкрэсліў Прэзідэнт, галоўным вынікам перамоў у рэзідэнцыі Бачараў Ручай стала дамоўленасць у найбліжэйшы час правесці сустрэчу ў шырокім фармаце, з удзелам прэм'ер-міністраў і членаў урадаў дзвюх краін, на якой будуць знятыя ўсе (на жаль, не новыя для двухбаковых адносін) непаразуменні ў эканоміцы і гандлі. Важна, што ініцыятарам такога шырокага і падрабязнага фармату выступіў Прэзідэнт Расіі Уладзімір Пуцін.

Што яшчэ абмяркоўвалася ў Сочы ў закрытым для прэсы фармаце? Прэзідэнты падрабязна абмеркавалі міжнародны парадак - ад узаемаадносін з Дональдам Трампам да прыватнага візіту на вяселле аўстрыйскага міністра замежных спраў. Як адзначыў Прэзідэнт, для Беларусі вельмі важная і адчувальная пазіцыя Расіі ў свеце. Яна напроста ўплывае на нашу эканоміку. Насуперак ходкаму меркаванню ў прэсе, лідары не закраналі тэмы газу і крэдытаў па лініі Еўразійскага фонду стабілізацыі і развіцця. Рашэнні па іх ужо прынятыя і павінны выконвацца. Пры гэтым Аляксандр Лукашэнка агучыў такія вузкія месцы ў саюзным парадку, як блакіраванне паставак беларускага харчавання, дыскрымінацыя сумесных прадпрыемстваў у пытанні выплаты ўтылізацыйнага збору, кватаванне, а, па сутнасці, выцясненне айчынных аўтаперавозчыкаў. Плюс пытанне рэальнага кошту будаўніцтва Беларускай АЭС і старшынства ў АДКБ, цяперашні кіраўнік Юрый Хачатураў пад следствам у Арменіі.

Адказаў Аляксандр Лукашэнка і на гарачую тэму апошніх дзён - прызначэнне новага пасла Расіі ў Беларусі Міхаіла Бабіча. Яго кандыдатура была ўзгодненая лідарамі загадзя, і наш Прэзідэнт назваў дыпламата важкай і маштабнай фігурай, якая павінна садзейнічаць развіццю двухбаковых адносін.

Гэта толькі фрагмент грунтоўнага інтэрв'ю беларускага Прэзідэнта. Аб рэальным успрыманні Беларусі ў Расіі і расійскіх рашэнняў у нашай краіне, аб выканальніцкай дысцыпліне па рашэннях саюзнага ўзроўню і саюзнай важнасці. І яшчэ аб супярэчлівай палітычнай фігуры Дональда Трампа, глыбокім сімвалізме ва ўзаемаадносінах Аляксандра Лукашэнкі і Уладзіміра Пуціна (уключаючы асабістыя падарункі) і тым, як насамрэч працуюць "прывадныя рамяні" вялікай палітыкі, эканомікі і дыпламатыі. Эксклюзіў з Сочы і абсалютная адкрытасць беларускага Прэзідэнта ў "Галоўным эфіры". Сёння на "Беларусь 1" у 9 вечара.