Аляксандр Лукашэнка і Ангела Меркель ізноў правялі тэлефонную размову

Сталі вядомыя падрабязнасці размовы Прэзідэнта Беларусі Аляксандра Лукашэнкі з канцлерам Германіі Ангелай Меркель, якая адбылася сёння.

Датычылася размова, як вядома, сітуацыі на мяжы Беларусі з краінамі Еўрапейскага саюза. Падрабязна абмеркаваўшы праблему бежанцаў, бакі прыйшлі да пэўнага разумення, як дзейнічаць і рухацца далей у вырашэнні пытанняў, якія існуюць.

Дамовіліся Прэзідэнт Беларусі і канцлер Германіі аб тым, што праблема ў цэлым выносіцца на ўзровень Беларусі і ЕС, пры гэтым адпаведныя службовыя асобы, якія будуць вызначаны ад абодвух бакоў, неадкладна ўступяць у перамовы, каб вырашыць праблемы, што існуюць. У гэтым жа кантэксце будзе вырашацца пажаданне бежанцаў трапіць у Германію.

Таксама падчас размовы канцлерам Германіі да Прэзідэнта Беларусі была даведзена просьба старшыні Еўрапейскай камісіі Урсулы фон дэр Ляйнен аб абавязковым удзеле ў працэсе міжнародных арганізацый, якія займаюцца праблематыкай бежанцаў і мігрантаў, яны ўжо актыўна супрацоўнічаюць з беларускім бокам.

Дамовіліся Аляксандр Лукашэнка і Ангела Меркель і аб кантактах надалей.