Аляксандр Лукашэнка адзначае добры ўзровень супрацоўніцтва з Ашчадбанкам

Аб гэтым беларускі лідар заявіў напярэдадні на сустрэчы з кіраўніком гэтай фінансавай структуры. Аляксандр Лукашэнка выказаў падзяку Герману Грэфу за актыўнае інвеставанне і крэдытаванне эканомікі. Укладваць у Беларусь фінансавая карпарацыя пачала 8 гадоў таму, калі выкупіла акцыі БПС-Банка. За гэты час сума прамых інвестыцый склала 4 мільярды долараў. Прыход на рынак іграка такога ўзроўню - гэта лепшае пацверджанне прывабнасці краіны для замежнага капіталу. Герман Грэф адзначыў, што гэтым разам прыехаў з партфелем новых прапаноў - і не толькі ў банкаўскім сектары. Ашчадбанк гатовы падтрымаць у Беларусі адукацыйныя праекты і будаўніцтва. Летась банк выкупіў даўгабуд у цэнтры Мінска. Кіраўнік расійскай фінансавай структуры паабяцаў, што будынак ля Белдзяржцырка дабудуюць на працягу года. Там размесцяцца сучасныя офісы, магазіны і рэстараны.