Аляксандр Лукашэнка павіншаваў мэра Масквы Сяргея Сабяніна з 65-годдзем

Прэзідэнт Беларусі Аляксандр Лукашэнка павіншаваў мэра Масквы Сяргея Сабяніна з 65-годдзем,пішаБЕЛТА.

"Вас добра ведаюць і цэняць як разумнага кіраўніка і прафесіянала, дзякуючы якому сталіца Расіі стала мегаполісам, які эфектыўна функцыянуе, стартавай пляцоўкай для рэалізацыі смелых інавацыйных праектаў, узорам укаранення ў паўсядзённае жыццё найноўшых тэхналогій", - гаворыцца ў віншаванні.

Кіраўнік дзяржавы адзначыў, што разлічвае на далейшае садзейнічанне мэра Масквы пашырэнню ўзаемавыгаднага супрацоўніцтва з Беларуссю па ўсім спектры двухбаковых адносін, актывізацыі кантактаў па лініі дзяржаўных органаў і бізнес-структур, устаноў навукі і культуры.

Аляксандр Лукашэнка пажадаў Сяргею Сабяніну добрага здароўя, вялікіх здзяйсненняў і поспехаў на адказнай дзяржаўнай пасадзе.